القبة نيوز- وجهت الناشطة شيمة التل "حفيدة عرار" رسالة الى اهالي جبل اللوبيدة قالت فيها:

الوضع صار مزعج ومربك، لازم نرحل كلنا لمكان تاني، حرام علينا الي عم نعمله باصحاب شركات الاسكان والمطاعم والكوفي شوبات!!!!
عم منعطل عليهم، بتجي سيارات مواد البناء، ما بتلاقي محل تصف!!! بصير في صبة، سيارة الاسمنت بس توقف بنص الشارع، بتكتر حركة سياراتنا!!! بيجوا الناس على المطاعم والكوفي شوبات، ما بنخليهم يصفوا قدام بيوتنا وكراجاتنا!!!! والناس الي حابين يقضوا وقت ويستمتعوا على المطل، بنطلبلهم الشرطة!! حتى الشباب الي بوقفوا بشكل طولي وعرضي عند مدرسة ضرار، بنجبلهم شرطة السير!!!
عنجد نحنا سكان مش لطيفين!!!
حتى دوار باريس، ببتصير عليه البازارات والمعارض الحلوة، ما بتعجبنا!!! وسيارات الشباب بتمشي بشوارعنا، بتمدح بجمالها، بنصير نتخانق معهم!!! واصوات الدراجات النارية الممتعة، بنذمر منها!!!
فعشان كل هدول الأشياء!!! خلينا نرحل عن اللوبيدة لمكان تاني!!
خلينا نعمل اشياء منيحة لهدول الناس!!!
عيب علينا نظل منغضين عليهم!!!
وكتبت اخيرا تقول:جبل اللوبيدة اصبح كراج كبير في كل الشوارع
لا مكان لسياراتنا امام بيوتنا!! اين نذهب؟