منى إش إش نشرت عدة صور من كواليس حفل زفاف ابنتها ماهيتاب ماجد المصري وعلقت عليها عبر حسابها بموقع انستغرام قائلة: ماهيتاب بنت بلد جدعة ومحترمة وحنونة وإللي يعرفها هايأكد كلامى.

أضاف: أولا هي قالت للمتطفلين المندسين إللي إحنا مانعرفش مين دول وهجموا علينا زي الجراد وزحموا المكان على المسرح وقفوا ورانا وادامنا كأنهم أصحاب الفرح غير اللي كانوا تحت مع المعازيم قالتلهم إنزلوا من على المسرح، مش اطلعوا برة زي عناوين المواقع الإلكترونية كاتبه عشان تلفت النظر، اسمعوا كلامها بتقول إيه وركزوا.

وتابعت: وللعلم أنا طلبت منهم يوسعوا المكان وعريسها كمان، وفى الاخر هي غضبت لأنهم لاحياة لمن تنادي، واللي غلط فى بنتي ربنا ينتقم منه.

توضيح منى وجد قبولا من متابعيها ولكن توقف أغلبهم أمام خطأ واحد وهو تصدر العروس لمهمة طرد المتطفلين، واكد أغلبهم أن هذه المهمة كان المفروض أن يقوم بها المشرف على القاعة أو منظم الحفل أو العريس وليس العروس، وقالت متابعة: الى كان المفروض يتكلم منظمين الفرح او العريس لاكن العروسه ماينفعش تزعق وتتكلم لاكن صح طبعا ان الدعوين بس الى يحضرو لاكن الغلط ان العروسه هيا الى زعقت وربنا يسعدها.