وروى الإعلامي تفاصيل هذه الواقعة، وقال: "أنا خارج من المدفن وبمر من البوابة عشان آخد العزاء، ومعرفتش أخرج، ولقيت ست بتزقني وعايزة تدخل جوه، عشان بتحب دلال عبد العزيز، وعايزة تخش تقرا ليها الفاتحة، فقولتلها مفيش مكان جوه، فقالت لي خلاص، وبعدها التفت في اتجاه آخر لقيتها طلعت التليفون وعايزة تاخد أي لقطة من جوه، وبطريقة لا إرادية شديت التليفون وألقيته على الأرض وقلت لها حرام عليكم واحترموا اللي إحنا فيه، ومشيت عشان آخد العزاء، ولقيتها قدامي فذهبت وتحدثت معها وقلت لها: اعذريني، ولكن ما يصحش اللي حصل، وأنا آسف ولازم تقدري الموقف، فردت عليّ وقالت: حصل خير ومحصلش حاجة يا ابني، وخلال الزحام حدثت مشاجرات لأن فيه ناس مش محترمة الموقف والظروف القاسية التي نعيشها".

وأشار إلى أن أحد الصحفيين صعد فوق المقابر لتصوير هذه اللحظة، وعندما أخذ منه أحد الأشخاص الكاميرا، أحضر "شومة" ليضربه.

المصدر: الوطن