وأضافت الفنانة المصرية: "مش سهل تلاقي شخص يقدر يشوفك من جوا، يحس بيك ويفهمك من غير ما تضطر تقعد تشرح وتبرر، يعرف لوحده اللي خلاك تتصرف بطريقة معينة في موقف معين، شخص ميشكش في نواياك ولا يشك فيك”. وأوضحت: "يبقى عارف إيه اللي يبسطك ويحاول دايما يعمله، شخص مايزهقش منك ولا من حكاياتك المكررة، شخص يشوفك كل يوم بنفس الشغف كأنه بيشوفك لأول مرة، يحبك ويحب كل تفاصيلك اللي محدش بيشوفها ولا بياخد غيره باله منها”. ولفتت: "شخص يخليك تشوف نفسك بعين جديدة، شخص يحسسك أنك غالي أوي وأن مفيش حاجة في الدنيا ممكن تعوضك، شخص تقدر تبقى على طبيعتك قدامه من غير ما تلبس ماسكات أو تتقمص شخصية مش بتاعتك عشان ترضيه أو تعجبه”.