وكشفت الإعلامية دعاء عامر سبب وفاتها، حين نعتها عبر "انستجرام"، وكتبت: "أرجو الدعاء لماما سناء بالرحمة والمغفرة وربنا يصبر أولادها، الله يرحمها كانت ست جميلة وطيبة ودمها خفيف ومثال للأم المصرية البسيطة الصبورة اللي شالت حمل تربية أولادها بعد وفاة زوجها، وكانت ضيفتي في برنامجي بيت زمان هي وابنها حمو شاكر، بعد شهرتهم في فيديوهات التيك توك واليوتيوب حمو وماما سناء".

وتابعت: "إمبارح بالليل عرفت من حمو إنها اتصابت بفيروس كورونا واتفاجئت الصبح بخبر وفاتها الله يرحمها، الغريبة إن من فترة طلعت شائعة أنها توفت وكلمتها وكانت بتضحك وتقولي عرفت حب الناس ليا وأنا خلاص عملت العمرة اللي كان نفسي فيها وكبرت أولادي وربنا أكرمني بحب الناس، عايزة بقى من الدنيا إيه تاني".

واختتمت: "أدعولها بالرحمة والمغفرة والفردوس الأعلى، هي وكل أمهاتنا وآباءنا وحبايبنا.. وربنا يحسن خاتمتنا ويخرجنا من الدنيا على خير".