وأوضحت الفنانة سمية الخشاب خلال إطلالتها في الجزء الأول من برنامج «شيخ الحارة» على قناة «القاهرة والناس» أن حياتها مع أحمد سعد كانت في خطر، مبينة «كان حيقتلني وكان ممكن يدخل السجن بقضية شروع في قتل، بعد ما ضربني في ظهري بالخاتم بتاعه أكثر من ضربة وفضلت أنزف لمدة يومين، وتسبب في فقدي الطحال ودي عاهة مستديمة وعندي مستندات وشهود تؤيد كل كلمة بقولها، وقلت للدكتور وأنا داخلة غرفة العمليات إن أحمد سعد هو اللي عمل كده، وساعتها قعد يبكي وقال معلهش أنا كنت مش في وعيي».
وتابعت أنها لن تسكت على ما قاله الفنان أحمد سعد عليها في وسائل الإعلام، واستعانت بجملة قالتها ريم البارودي سابقاً، وهي «أحمد سعد عنده ظروف خاصة» وقالت: «وأنا حقول نفس الجملة وبرضه حعمل زيها ومش حكشفها، وكان لازم حد يقف جنبه، وتم عرض صورة لجراحة في البطن وأخرى للطحال وهو منفجر».
ونفت الخشاب أن يكون صمتها على ما حدث هو الخوف من شماتة ريم البارودي، مؤكدة أنها لا تحب الفضائح، وقالت إن سعد ضربها بسبب غضبه من ترك بيت الزوجية ومكوثها في منزل والدتها، «لأن كل واحد من أشقائه معاه مفتاح للبيت، لأن عنده ظروف ولازم يلحقوه لو تعب، وطلع البيت إيجار مش تمليك».