وأضاف بيكا: "كلنا جهلة الدكتور جاهل عن المحاماة والمحامي جاهل عن المحاسبة والمحاسب جاهل عن المهندس محدش كامل وزي ما أنا قولت أنا منولتش شرف التعليم بس أتعلمت ازاي اشتغل واشيل مسؤولية اتعلمت ازاي اشقى من صغري ومقولتش لحد أديني”، متابعاً: "حد يكتبلي أو يقرالي دي حاجة متخصش حد”.

ويأتي ذلك عقب نشر الفنان حمو بيكا تهنئة وعدة نصائح لطلبة الثانوية العامة على الرغم من أنه غير متعلم.

وقال بيكا "بتقولو عني جاهل ومش متعلم .. مع ان دي حاجة انا عمري ما أنكرتها ولا حتى خبيتها على الناس ومن يوم ما ربنا كرمني واشتهرت وبقى ليا جمهور بس هرجع واقولكم تاني انها حاجة مكنتش بايدي”.

وتابع حمو بيكا قائلًا "انت بقي يا متعلم التعليم علمك انك تقعد تعاير الناس بعيوبها؟ التعليم علمك ان تفضل تتنمر على خلق الله ؟ التعليم علمك انك مباح ليك الشتيمه في حد هو اقل منك في شيء؟ اكيد لا فمتجيش من ورا شاشه وكيبورد تعمل فيها عم الناصح وانت اصلاً موركش حاجة تعملها !”.

وأضاف قائلاً "انا متعلمتش ومنولتش الشرف الكبير ده بس اتعلمت حاجات كتير في الدنيا انت متعلمتهاش لسه اتعلمت احترام الكبير والصغير .. اتعلمت اشقى واتعب من صغري اتعلمت اني مغلطش في حد .. اتعلمت حاجات كتير جداً في حياتي انت عمرك ما تتعلمها طول ما انت باصص للناس ..! فكر في كلامك كويس وكومنتاتك كويس قبل ما تكتبها وقبل ما تقول انك متعلم افتكر انك في "تربية وتعليم” يعني التربية قبل التعليم”.